7 May 2015

1984. Corc Oruell (PDF yüklə)

Corc Oruellin "1984" kitabını yüklə.

1984 (ing. Nineteen Eighty-Four) — Corc Oruellin 1948-ci ildə yazılmış, 1949-cu ildə isə çap olunmuş romanıdır. Yevgeni Zamyatinin "Biz", Oldos Hakslinin "Möcüzəli yeni dünya" və Rey Bredberinin "451° farenheyt" əsərləri ilə bərabər antiutopiya janrında yazılmış ən məşhur ədəbi əsərlərdən biri sayılır.

2009-cu ildə "The Times" qəzeti "1984"-ü son 60 il ərzində yaradılmış 60 ən yaxşı kitab siyahısına daxil etmiş, "Newsweek" jurnalı isə romanı bəşəriyyət tarixində ikinci ən yaxşı kitab adlandırmışdır.

Romanın adı və terminologiyası geniş yayılmışdır və kitabdakı situasiya totalitar rejimləri təsvir etmək üçün istifadə olunur. Əsər dəfələrlə sosialist ölkələrində qadağan olunmuş, qərb ölkələrinin solçuları tərəfindən tənqid obyektinə çevrilmişdir.

Kitab ilk dəfə Vilayət Quliyev tərəfindən Azərbaycan dilinə tərcümə edilmiş və 2011-ci ildə Qanun nəşriyyatı tərəfindən nəşr olunmuşdur. 2013-cü ildə kitab təkrar nəşr olunmuşdur.

Baş qəhrəmanlar
Uinston Smit (ing. Winston Smith) - baş qəhrəman, 39 yaşı var. Gənc yaşlarından bəri Həqiqət Nazirliyinin Sənədləşmə Bölməsində çalışır. Vəzifəsi sənədlərə dəyişiklik etməklə partiya təbliğatına zidd olan faktları gizlətməkdir. Partiyanın ideyalarına sadiq olduğunu nümayiş etdirsə də, əslində onlara nifrət edir.
Culiya (ing. Julia) - baş qəhrəmana aşiq olan qadın, 26 yaşı var. Həqiqət Nazirliyinin Ədəbiyyat Bölməsində çalışır. Özünü partiyanın tərəfdaşı kimi qələmə versə də, partiya qanunlarını tez-tez pozur.
O'Brayen (ing. O'Brien) - Daxili Partiyanın yüksək vəzifəli üzvü. Uinston O'Brayenin inqilabçı olduğunu düşündüyü halda o, əslində Fikir Polisinin əməkdaşıdır.

Epizodik qəhrəmanlar
Mister Çarrinqton (ing. Charrington) - antikvariat dükanında satıcı, Fikir Polisinin agenti. Uinston və Culiyaya otaq icarəyə verir, sonradan onların həbsinə rəhbərlik edir.
Saym (ing. Syme) - Uinstonun savadlı iş yoldaşı, Uinstonun ən çox rəğbət bəslədiyi qəhrəmanlardandır. İxtisasca filoloqdur, Yenidil lüğətinin yaradılmasında iştirak edir. Sonradan Fikir Polisi tərəfindən həbs olunur.
Parsons (ing. Parsons) - Uinstonun qonşusu və iş yoldaşı. Uinstonda və Saymda böyük antipatiya doğurur. İdeal partiya üzvüdür: zəhmətkeşdir, müzakirə etməyə meyl göstərmir, partiyanın öyrətdiyi hər şeyə tərəddüd etmədən inanır. Çox axmaqdır. Sonradan qızının verdiyi məlumat əsasında Fikir Polisi tərəfindən həbs olunur.
Amplfort (ing. Ampleforth) - Uinstonun iş yoldaşı, Həqiqət Nazirliyinin əməkdaşı. Şairdir, "kanonik mətnlər" (klassik şeyriyyət əsərlərinin ingilis dilindən Nyuspikə tərcüməsi) üzrə ən yaxşı mütəxəssislərdən sayılır. Romanın üçüncü hissəsində Uinstonla eyni kameraya düşür, sonradan "101-ci otaqda" yoxa çıxır.
Martin (ing. Martin) - O'Brayenin qulluqçusu.

No comments:

Haqqımızda

Pulsuz PDF formatında elektron kitab yükləmə saytı. E-kitabların heç biri satış üçün deyil, hər kəs yükləyib oxuya bilər. E-kitablar müxtəlif internet saytlarından (kitabxana.net, e-book.az, ebooks.az, 1001kitab.az) və şəxsi arxivlərdən yığılıb. Kitablar və müəlliflər haqqında məlumat üçün wikipedia və digər saytlardan istifadə olunmuşdur.


Siz də pdf formatında e-kitab göndərməklə elektron kitabxananı zənginləşdirə bilərsiniz. Bunun üçün pdf fayldan əlavə, saytdakı digər e-kitablar kimi üz qapağı və kitab haqqında ən azı 300 sözlük məlumat da lazımdır. Yeniliklər üçün Facebook səhifəmizi bəyənə bilərsiz.


Kitablar haqqında fikirlərinizi şərh yazmağı unutmayın :)



Şərhlər

Bizimlə əlaqə

Name

Email *

Message *